Plantun de Prouvènço

Pèr coumpara dos planto d'encò nostre

Linum suffruticosum subsp. appressum & Panicum barbipulvinatum

Linum suffruticosum subsp. appressum

Linaceae

Noms en français : Lin à feuilles de soude, Lin à feuilles de salsola.

Descripcioun :
Aquéu lin, di proun coumun, fai de poulìdi mato blanco dins li roucaio e tepiero seco. Linum tenuifolium ié semblo un pau, mai èi mai grand e fai pas de tant gròssi mato. Lou mai segur èi de regarda li sepalo : s'atrovon 3 costo pèr Linum suffruticosum e soulamen uno pèr Linum tenuifolium. Coumpara emé lou lin-di-fueio-primo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : Pancaro entresigna
Fueio : alterno
Tipe bioulougico :
Cicle bioulougico : Planto renadivo

Gènre : Linum
Famiho : Linaceae

Ordre : Malpighiales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Colo - Roucaio - Tepiero seco - Basso mountagno
Estànci : Pancaro entresigna
Couroulougi : Pancaro entresigna
Ref. sc. : Linum suffruticosum subsp. appressum (Caball.) Rivas Mart., 1978

Mi(-de-ribeirés)

Panicum barbipulvinatum

Poaceae Graminaceae

Noms en français : Panic des rivages, Millet des rivages.

Descripcioun :
Aquéu mi fèr, que nous vèn d'Americo de l'uba, sèmblo proun au mi-prim, Panicum capillare, que se rescontro proun dins lis ermas e li champ à l'autouno. Se n'en destrìo emé sis espigueto de coustat que soun pourtado pèr de pecou courtet (< 3 mm) e que rèston proun proche de la ramo (< 10°). D'un biais generau lis espigueto soun mens aluenchado lis uno dis autro. Apoundèn qu'aquéstis espigueto soun mens grosso e pu fino. Pèr l'ouro es esta vist soulamen dins la valado dóu Rose, mai poudèn pensa qu'aquesto meno vai s'espandi. Coumpara emé lou mi-prim e lis àutri mi se n'avès pas l'usanço.

Usanço :
A bessai li mémis usanço que soun cousin lou mi-prim.